3:0 со Хановер за 3 од 3
Втор натпревар на Алијанц Арената и втор пат 3:0. А можеше комотно да биде и многу поубедливо. Ако има нешто да им се замери на фудбалерите на Баерн тоа е недоволното искористување на шансите. Но на крајот да се наоѓаат мани по 3 кола, 9 бода и 10-0 гол разлика би било повеќе од смешно.
На теренот во Минхен 90 минути играше само една екипа. Ова беше до таа мера изразено што Хановер немаше буквално ниту една шанса за гол. Откако претходно ја погоди само стативата, резултатот во 28мата минута го отвори Лука Тони со својот трет гол на третиот натпревар за Баерн. Голот го намести Бастијан Швајнштајгер со феноменален пас на средината. За жал кога наместо кон увото, за да го прослави голот во за него својствен стил, Тони веднаш после голот се фати за надколеницата на сите кои го следеа натпреварот им стана јасно дека Италијанецот се повредил при последната акција. Тој веднаш после акцијата за 1-0 мораше да излезе а на негово место влезе младиот Сандро Вагнер. А камен од срцето им падна на сите во и околу Баерн кога веднаш после натпреварот од медицинскиот оддел соопштија дека повредата на Тони не е од посериозен карактер и ќе го оддалечи од терените најмногу 10 дена.
До полувремето Хановер пружаше каков-таков отпор но по заслуженото исклучување на Лала во 45тата минута во второто полувреме гостите беа уште 10 гледачи во Алијанц Арената. А имаше што да видат. Како никогаш досега фудбалерите на Хицфелд не се забувуваа на теренот. Вториот гол, конечно- по безброј утнати прилики, падна во 68мата минута. По одлична акција Марк ван Бомел со една бомба во шеснаесетникот од полу десна позиција го совлада Енке. За конечниот резултат се погрижи Хамит Алтинтоп кој по еден одличен соло-продор во 86тата минута со за него својствен шут од 20тина метри го постигна вториот гол за него сезонава.
FC Bayern - Hannover 96 3:0 (1:0)
FC Bayern:Kahn - Lell, Lucio, Demichelis, Lahm - Van Bommel, Zé Roberto (89. Ottl) - Altintop, Ribéry, Schweinsteiger - Toni (31. Wagner)
Hannover 96:Enke - Cherundolo, Kleine, Fahrenhorst, Halfar - Balitsch, Lala - Lauth (46. Yankov), Bruggink (69. Huszti), Rosenthal (61. Stajner) - Hanke
Судија: Kinhöfer
Гледачи: 69.000 (распродадено)
Голови: 1:0 Toni (28.), 2:0 Van Bommel (68.), 3:0 Altintop (86.)
Жолти Картони: Wagner, Schweinsteiger / Lauth, Rosenthal, Bruggink, Kleine, Yankov
Црвени Картони: - / Lala (45.)
1 коментар:
Dobro mu trgna na Baern. Da se nadevame deka ovaa godina ke bide dosta sprotivna od minatata. Pozdrav
www.liverpool_empires.blog.com.mk
Објави коментар