Белененсес лесен залак за Баерн
Без многу мака и напрегање фудбакерите на Баерн се пласираа во групите од Купот на УЕФА. На гостувањето во Поругалија тимот на Хицфилд очекувано лесно славеше со 0-2, најмногу благодарение на Лука Тони. Италијанецот го постигна првиот и асистираше при вториот гол на неговиот тим па Баерн со вкупен резултат од 3-0 излезе како победник од двомечот.
Инаку за натпреварот не остава многу простор за пишување- едноставно гостите излегоа на теренот за да ја завршат работата и да си одат дома. Првото полувреме беше исклучително слабо. Слично како и атмосферата на од полупразните трибини на Естадио до Ростело. Ренсинг требаше да интервенира се на се два пати и тоа на самиот почеток на мечот и тоа го направи одлично кога му парираше на слободниот удар на Аморим и спаси против Велдон во ситуација еден на еден. А на спротивната страна Костиња мораше да интервенира само еднаш и тоа со колено кога по една убава акција на Тони и Швајштајгер Јансен дојде до позиција за шут. Толку од веројатно најдосадното полувреме на Баерн сезонава.
Се чини Хицфилд ги нашол вистинските зборови во соблекувалната па по полувремето тимот излезе далеку поангажиран. Знаејќи како само еден случаен гол може целосно да го смени текот на двомечот Баварците запнаа на почетокот на вториот дел и резлутатот веднаш дојде. Прво Тони за малку промаши по едно прецизно нафрлување на Швајнштајгер во 52та минута за само 7 минути подоцна да ја забие(во вистинска смисла на зборот) топката позади грбот на Костиња по уште едно прецизно нафрлување- овојпат од Рибери. Инаку ова беше навистина убав гол- Тони прекрасно ја смири топката пред да ја смести во голот.
Со ова патникот во групите беше практично и решен- во тој момент на Белененсес му беа потребни 3 гола, колку што Баерн има вкупно примено на 8 натпревари во Бундес Лигата, за понатамошен пласман. Логично Хицфилд одлучи да ги поштеди некои од своите фудбалер па им даде шанса на Шлаудраф(кој во времето што го доби имаше неколку навистина одлични сцени), Отл и младиот Крос. Во меѓувреме Алтинтоп по едно двојно додавање со Тони го постигна и конечниот резултат во 77тата минута.
Најдобри оцени за овој натпревар покрај Тони би требало да добие и „заменик“ капитенот Лусио кој ја дршеже одбраната „под конец“.
Belenenses Lissabon - FC Bayern 0:2 (0:0)
Belenenses Lissabon: Costinha - Candido Costa (15. Amaral) , Devic (72. Mendonca), Rolando, Hugo Alcantara - Amorim, José Pedro, Alvim - Silas - Roncatto, Weldon (79. Joao Paulo)
FC Bayern: Rensing - Lell, Lucio, Demichelis, Jansen - Altintop, Van Bommel, Zé Roberto (73. Ottl), Schweinsteiger (81. Kroos) - Ribéry (68. Schlaudraff) - Toni
Судија: Jacek Granat (Полска)
Гледачи: 7.000
Голови: 0:1 Toni (59.), 0:2 Altintop (77.)
Жолти Картони: Alvim, Devic / Toni
Нема коментари:
Објави коментар