Хамбург се покажа како тврд орев
Требаше да поминат 87 минути од четвртиот натпревар во сезоната за Кан конечно да мора да ја вади топката од својата мрежа. Мохамед Зидан беше херојот на Хамбург кој по една голема мешаница пред голот на гостите, пред крајот им донесе бод на домаќините- и мора да се прзинае сосема заслужено.
Во еден многу тврд натпревар, без многу вистински фудбалски моменти, со многу фаули и малку шанси Баерн беше тој преку Клосе, по едно одлично нафрлување на Кристијан Лел од десната страна, го превзема водството.
За натпреварот и нема што многу да се пишува. Одбраната повторно одигра на завидно ниво- голот падна многу повеќе случајно и среќно одошто по изработена акција. Во текот на сите 90 минути Лусио, Демикелис, Зе Роберто и в. Бомел умешно го бранеа голот на Кан пред налетите на домаќините- за кои мора да се признае дека одиграа навистина организирано во одбраната и, ако ништо друго, со многу желба во нападот. Ова е дотолку поголем успех ако се знае дека пред натпреварот се повреди и главниот креативец на Хамбург- Рафеал ван дер Ваарт.
Оние кои овој пат потфрлија беа фудбалерит од навалниот ред. Рибери имаше неколку добри моменти но се на се беше одлично чуван и во најголем дел од натпреварот немаше простор "да диши". Швајншатајгер одигра навистина слабо и згора на тоа треба да биде среќен што судијата Мајер не му покажа црвен картон во 62та минута по еден груб старт. Веднаш после стартот Хицфелд реагираше и го внесе повратникот во тимот Подолски во игра. Клосе делуваше отсечено и осамено во нападот- но покажа каква класа играч е кога "од никаде" во 70тата минута го донесе Баерн во водство од 1-0. Алтинтоп беше најверојатно и најдобриот од офанзивците- имаше неколку убави соло акции но за жал ниедна не донесе вистинска стопроцентна шанса за гол.
Се на се- реален резултат и заслужен бод. На ред е Шалке. Да се надеваме со Тони и Клосе еден покрај друг во нападот.
Hamburger SV - FC Bayern 1:1 (0:0)
Hamburger SV: Rost - Boateng, Reinhardt, Mathijsen, Atouba - Jarolim, de Jong - Castelen, Trochowski (78. Choupo-Moting), Olic (74. Zidan) - Guerrero
FC Bayern: Kahn - Lell, Lucio, Demichelis, Lahm - Van Bommel, Zé Roberto - Altintop, Ribéry (90. Wagner), Schweinsteiger (64. Podolski) - Klose (89. Sosa)
Судија: Meyer
Гледачи: 57.000 (распродадено)
Голови: 0:1 Klose (70.), 1:1 Zidan (87.)
Жолти Картони: Guerrero, de Jong, Olic, Atouba / Zé Roberto, Schweinsteiger, Lell
Нема коментари:
Објави коментар