Избегната бламажа...

Дека купот има свои правила уште еднаш се потврди синоќа во Бургхаузен. Пред 12.ооо гледачи Баерн создаде доволно шанси за два натпревари но ниту една не успеа да ја претвори во гол па според непишаното фудбалско правило казната стаса. Во 61та минута Томас Ноиберт ги доведе домаќините во водство од 1-0. Вакер го делеа 11 минути од апсолутна сензација но за донекаде да е правдата задоволена се погрижи Клосе кој во 79тата минута конечно претвори една од шансите за Баерн во гол.

Без сеуште неподготвениот Тони, Хицфелд натпреварот го почна со Рибери покрај Клосе во нападот(или со само еден вистински шпиц). Тоа и не беше причина Баерн да не почне офанзивно- Рибери, Алтинтоп, Клосе, Јансен и в.Бомел сите имаа и по неколку шанси за погодок но секогаш меѓу ударите на гостите и голот на Вакер се испречуваше голманот на домаќините Риман, кој најверојатно го играше натпреварот на кариерата. Синоќа Риман фати се што можеше да се фати а онаму каде Баварците успеаа да го совладат домаќините вадеа од гол линија со рамо, нога, тело, задник... На полувреме се замина со 0-0.

Јансен, Лусио и Алтинтоп после паузата повторно заглавија кај Риман а слободниот на Швајнштајгер заврши центиметри покрај голот на Вакер. Следеше водството за третолигашот. Одговорот беа гневни напади на гостите кои, конечно после уште една низа неискористени шански(Рибери, Јансен, Клосе, Швајншатјгер), резултираа со израмнување.

Баерн притискаше да дојде до победата до крај но тоа остави простор за контри- за среќа една таква школски изведена контра за Бургхаузен во 89тата минута во гол не успеа да ја претвори Шулц. Во продолженијата Кан уште неколкупати беше тестиран од домаќините а во последните минути в.Бајтен на два пати успеа да промаши чист зицер.

Пенал рулетот испадна вистински роулеркоустер. Прво домаќините утнаа за по промашувањата на Аргентинците Соса и Демикелис Вакер да има меч топка која Кан ја одбрани. Значи Оли не му остана должен на Риман и покажа дека и со овие години може да брани како кога пред 10-15 години и му ја донесе заслужената победа на својот тим.

Wacker Burghausen - FC Bayern 4:5 на пенали (0:0, 1:1, 1:1)

Wacker Burghausen: Riemann - Lastovka, Palionis, Wolf, Mayer - Hertl (46. Bonimeier), Schmidt - Pupalovic (61. Solga), Schultz, Teinert (85. Martins) - Neubert

FC Bayern: Kahn - Jansen (82. Lell), Lucio, Demichelis, Lahm - Altintop, Zé Roberto (71. Sosa), Van Bommel, Schweinsteiger (112. Van Buyten) - Klose, Ribéry

Судија: Gagelmann (Bremen)

Гледачи: 11.582 (распродадено)

Голови: 1:0 Neubert (61.), 1:1 Klose (79.)Пенали: 1:2 Ribéry, Schultz пречка, 1:3 Van Bommel, 2:3 Neubert, Riemann му одбрани на Sosa, Martins утка, Altintop пречка, 3:3 Schmidt, 3:4 Lahm, 4:4 Riemann, Riemann му одбрани на Demichelis,
Kahn му одбрани на Palionis, 4:5 Lell, Kahn му одбрани на Mayer

Жолти Картони: Hertl, Teinert, Martins / -

Најинтересни моменти од натпреварот: