Ribery експресно се интегрира во тимот

"Франк веднаш си го најде местото во тимот. Тој е едноставен човек кој е прекрасно примен кај сите соиграчи. Да бидам искрен малку и сум изненаден заради вака брзата интеграција"- прокоментира генералниот менаџер на Баварците Ули Хенес за време на тренинг-кампот во Швајцарија во кој Баерн се подготвува за новата сезона. "Имам впечаток дека кај нас се чувствува и повеќе од одлично"- продолжува Хенес.

Само како поткрепа на оваа изјава може да послужи и коментарот на Филип Лам: "Кога се во прашање спортските аспекти кај Рибери нема за што да се дискутира- Франк е едноставно светска класа. Ја нагазува педалата за гас во текот на сите 90 минути, неверојатно е брз и технички подготвен како ретко кој друг играч во Европа. Освен тоа човек неверојатно лесно може да комуницира со Франк поради неговиот карактер, иако сеуште не го владеее Германскиот јазик". А на прашањето "Како оди комуникацијата?" дофрла "Со раце, нозе, малку Aнглиски и малку Германски".

Се чини Баерн се засили не само на спортски план туку доби и еден голем човек и цврст карактер надвор од теренот што можеби е и уште поголема придобивка.