Хенес ја планира иднината на Баерн

Веќе цели 28 години Ули Хенес е генерален менаџер на Баерн. 1979 Хенес започна со „менаџирањето“ на најуспешниот германски клуб. Со него Баерн ги има пребродено најтешките кризи и прославено најголемите победи во минатите скоро четири декади.

Но се си има крај. „Уште одамна постои договор дека кога Франц(Бекенбауер) ќе се почуствува подготвен за тоа тој ќе се повлече од претседателската фукција во клубот. Договорот е кога тој ќе се повлече- јас да ја превземам функцијата“- изјави Хенес за „Бундес Лига Магазин“. „Тоа веројатно ќе се случи 2009“.

А за тоа кој ќе ја превземе менаџерската функција која тој ќе ја остави празна Хенес има многу конкретна идеја: „Се е многу сменето од 1979 до денес. Кога почнав Баерн имаше годишен приход од 12 милиони марки. Денес имаме прилив од околу 250 милиони евра. Уште сега е јасно дека мојата функција мора да ја наследат двајца компетентни професионалци. Едниот ќе е одговорен за финансиите, спонзорите, текот на парите а другиот мора да има играно фудбал на највисоко можно ниво во неговата кариера и негова задача ќе биде да се грижи за екипата“.

А пред да си замине од сегашната фунција(или ако сакате да биде унапреден) Хенес има една посебна желба: „Би било прекрасно ако во следните 2-3 сезони барем уште еднаш ја освоиме Лигата на Шампионите. Посебно би бил горд на ова бидејќи тоа би го сториле целосно сами, со сопствени сили. И не е некоја уметност да освојуваш титули кога позади тебе стои некој Абрамович со непресушни извори на пари“.

Што се однесува до голманската позиција, од која годинава се простува легендата Оли Кан, Хенес е дециден дека тоа место му е ветено, „и тој одмана го има заслужено“, на Михаел Ренсинг. Но ова значи дека догодина на Баерн му треба нов втор голман. За аматерите на игра уште еден 19-годишен голмански супер талент- Томас Крафт но тешко е за верување дека во новата сезона, со амбиција да се освои Лигата на Шампионите, Баерн ќе влезе со 23 и 19 годишни голмани. Па затоа и не е изненадување што Хенес потврди дека е во потрага по искусен голман кој нема да има претензии за влез во првиот тим. Фаворит е резервата на Манчестер Сити, шведскиот репрезентативец Андреас Исаксон.

На крајот менаџерот на Баерн даде кус коментар и за Отмар Хицфелд: „Убеден сум дека Отмар ќе продолжи“. Хицфелд од друга страна потврди дека „секогаш прво ќе разговара со Баерн“ пред да ја донесе конечната одлука но нагласи дека неговата здравствена ситуација ќе игра најбитна улога при одлуката. „Лани кого превземав за само еден месец изгубив четири кила. Сега е далеку помирно и од кога е почната сезоната си ја вратив килажата. Но на мои години мора да се внимава. Со Швајцарија би имал најмногу по 12-13 натправари годишно а со Баерн играме по два пати во неделата. Не би сакал да преживувам исти ситуации како во 2004. Но како што реков во моментов ми е многу забавно. Едноставно уживам во работата тука.“- изјави Хицфелд.